Esnoga

Esnoga en Mueva York

La Esnoga es la asamblea de fiyeles djudios basho la din antiga, a fin d'esherzer el eshersizio de la su relijion. El biervo proviene del biervo latino sinagōga, i este del grégo sÿnagōgē, del verbo sÿnágein (‘reunir, kongregar’). En ebreo se yama Bet aKnéset (בית הכנסת) o lugar de ankontro. Algunas komunitas del Maghreb la yaman Bet Tefilá (בית תפילה) o kaza de arrogamiento. Munchos de los djudios en los payises de avla inglesa yaman a la esnoga Shul, una palavra en idish. Los djudios persas (parsim) y los djudios karaitas la yaman Kenesa, ke es un biervo arameo. En munchas komunitas sefardis se le yama Kal, ke viene del biervo en ivrit קָהָל, ke sinyikifa "audiensia" o "komunita".

Esnoga El Ghriba, en la isola de Djerba, en Tunesia

Orijin

La esnoga es una institusio muy antiga en el djudaismo. No ay informasion totalmente fiable ensima del orijin de las primeras esnogas, má se admite ke las primeras aparesieron en Babilonia en el siglo VI EK d' entre los djudios deportados por Nabukodonosor II en la konkista de Yerushalayim enel anyo 3164 (597 adK) i diskués de la Guezerá de la destruksion del Bet Amikdash i de la Sivdad Santa por modre de los Babilonios. En las esnogas se enkontraban los djudios para estudiar i arrogar en komunita. El número de esnogas se engrandesio muncho kuando la meldadura publika de la Tora fue establesida. Asigun algumos eskritos, kuando Yerushalayim fuye destruyida por los romanos, enel anyo 70, tenia ya 400 esnogas.

Esnoga de Amsterdam, aperturada en el anyo 1672

Estas kazas de asamblea no eran edifisios spesialmente konstruidos para el kulto, porke kualkyér kaza podia ser uzada para los ankontros; andjak, no faltaban grandes las fraguas de esnogas. Las esnogas antikas estaban administradas por un archisinagogo, o por un konsejo de tres notables. La eksplikasion del teksto sagrado estaba reservada para el rabino o algun fiyel mas versado en la konosensia de la Alaha.

Esnoga de Sofia, en Sofia, Bulgaria, aperturada en 1909 i desinyada por Friedrich Grünanger

Disenyo interior

Las esnogas estan orientadas verso Yerushalayim. Al fondo esta un almáryo o tabernakulo, el arka santa (hehal en ebreo sefaradi o Aron Akodesh en ebreo ashkenazi), ke kontiene los royos de la ley (la Tora). Delantre d'el tabernakulo enkolga una lampariya ke syempre esta ardiendo en akodransa de la luz eterna (ner tamid) ke briyaba enel Templo de Yerushalayim. Un kandelabro (mĕnorá) de 7 lamparas en línea, akodra la Menora de siete brazos del Bet Amikdash. Por ultimo, uma mesa de pupitre, kolokada sobre una plataforma (tebá en ebreo sefaradi, almenar o bimá en ebreo ashkenazi), ke es uzada komo altar; ante eya se koloka solu el Hazán (ministro ofisiante).

Galeriya

• 
  Interior de un kal ke fonksiona en un "karavan" en Neve Yaakov, Yerushalayim, Israel.
• 
  La esnoga en la Gerard Doustraat en Amsterdam, Olanda.
• 
  La Esnoga Mueva en Berlin, Almania.
• 
  La Esnoga Koral en Mosku, Rusia.
• 
  La Gran Esnoga de Santiago de Chile.
• 
  La Esnoga de Amsterdam, Olanda.
• 
  La Esnoga de la kaleja Dóhany en Budapest, Madjaristan.
• 
  La Gran Esnoga de Plzeň, Republika Sheka.
• 
  El kal prinsipal de la sivdad de Frankfurt (Almania) antes de la Kristallnacht.
• 
  La Esnoga Roonstrasse en Kolonia, Almania.
• 
  La Esnoga de Lesko en Lesko, Polonia.
• 
  La Esnoga de Bobowa en Bobowa, Polonia.
• 
  La esnoga del Baal Shem Tov en Medzhybizh, Ukrania enel anyo 1915. Este kal ya no egziste.
• 
  La esnoga Belzer de Belz, Ukrania. Este kal ya no egziste.
• 
  La Esnoga Cymbalista en la Universita de Tel Aviv.
• 
  La esnoga de Kherson, Ukrania.
• 
  El domo de la Esnoga Hurva era un elemento prinsipal de las vistas de la máale djudia de la sivdad vieja de Yerushalayim por munchos syeklos.
• 
  La Esnoga Ashkenazi de Estambol, Turkiya. Este kal fue aperturado enel anyo 1900.
• 
  Imajenes enel Livro de Ester de la Esnoga Dura-Europos (244 E.K.).
• 
  El interior de un kal Karaita (kenesa).
• 
  La Esnoga Sentrala en la Avenida Lexington en Manhattan, Mueva York, Estatos Unitos d' Amerika.
• 
  Templo Beth-El, el kal mas antiko de Florida, el kualo fue fraguádo en el estil Art Deco.
• 
  La Gran Esnoga Koral de San Petersburgo, Rusia
• 
  La Esnoga Paradesi en Kochi , Kerala , India
• 
  La esnoga en la máale de Podol, Kyiv, Ukrania
• 
  Gran Kal de Roma, Italia
• 
  Esnoga Bet-El, en Karakas, Venezuela
• 
  Esnoga Istorika Justo Sierra 71, en Sivdad de Meksiko, Meksiko

Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.